قصيدة محمد علي عبدالوهاب الشقاع

السلام عليكم ورحمة الله وبركاته

القصـيدة : ~

على صوت الغريد اللي يغرد به فرخ عصفور
طاحت دمعتي ع الخد وقلت يالله داويني

ذكرت اني جريح الامس بعد ما كنت فالطابور
مع باقي عيال العم احيي اللي يحييني

انا محمد وحيد اهلي تعدى يومي المشهور
تعدى دون مافرح به وضميته الى سنيني

سنين القهر لي عدت احسبها ثلاث شهور
ويومي اللي قضيته امس اعده جملت سنيني

وجع قلبي على امي وعلى هالشيبه المقهور
وعلى اختٍ مسيكينه عانت لجل ترضيني

وزاد اللوم في بنتٍ تعاني حظي المعثور
لاجيت اخطب ولا اعقد وزفافها تم من دوني

ترجيت الجميع اليوم وولا طير رجاي طيور
ابا سافر لاجل افرح جميع اللي يهنوني

وراحت رحلتي عني وانا واقف مع الجمهور
اودع فرحتي مره واستقبل دمع عيني

انا ساهر ولا بابات الى من يطلع البسبور
لأجل عينٍ ابا اسعدها عساها ما تشقيني
وسلامتكم